19.04.2010 அன்று சகோதாரி சாரா மாலினி பெரேரா கொழும்பு புதுக்கடை நீதிமன்றத்திற்கு கொண்டு வருவதாகவும், அவருக்கு சரீர பிணை நிற்பதற்கு கொழும்பை வதிவிடமாகக் கொண்ட இருவர் தேவைப்படுவதாகவும் சதோரரர்கள் இம்ராஸ், கலீலுர் ரஹ்மான் ஆகியோரிடமிருந்து தகவல் கிடைக்க நீதிமன்றை நோக்கி விரைந்தோம்.
சாரா மாலினி சிறை வைக்கப்பட்ட நாள் முதல் இந்தப் பிரச்சினையை தனது சொந்தப் பிரச்சினையாய் நினைத்து ஒரு மாத காலமாக முயற்சி செய்து வரும் சகோதரர் அஜ்மல், மேமன் இனத்தைச் சேர்ந்த சகோதரர் அபூ ஆகியோர் சாரா மாலினியின் விடுதலைக்கான பெரும் எதிர்பார்ப்போடு நீதிமன்றில் காத்திருந்தனர். கூடவே கொழும்பை வதிவிடமாகக் கொண்ட இரண்டு சகோதரர்கள் பிணை நிற்பதற்காக காத்திருந்தனர்.
செய்தி கேசரிக்க வந்திருந்த உள்நாட்டு, வெளிநாட்டு ஊடகவியலாளர்கள் சிலரும் காலை முதல் மாலை வரை காத்திருந்தனர்.
இலங்கையில் வாழ்கின்ற சிங்கள, தமிழ், முஸ்லிம் மூன்று இன மக்களில் அதிகப்படியான அரசியல் கட்சிகளையும், அதிகப்படியான இயக்கங்களையும் கொண்ட சமூகமாக முஸ்லிம் சமூகம் மிளிர்ந்துக்கொண்டிருக்கின்றது.
ஆனால், சாரா மாலினி இன்று தனிமைப்பட்டிருக்கிறார். மாற்று மதத்தினருக்கு இஸ்லாத்தைப் போதிக்க தனியான பிரிவுகளை வைத்துக்கொண்டு உள்ளுரிலும் வெளிநாடுகளிலும் பணம் கறக்கும் பல இயங்கள் மௌனம் காக்கின்றன.
அல்லது வெளியே வந்து சாரா மாலினியின் பிரச்சினைக்கு முகம் கொடுக்காமல் முகத்தை மறைத்துக் கொண்டு நிற்கின்றன.
முஸ்லிம் சட்டத்தரணிகள் பகிரங்கமாக வந்து நீதிமன்றில் ஆஜராக தயக்கம் காட்டுகின்றனர். சாரா மாலினி என்ற சகோதரி யாரும் செய்யாத குற்றத்தை செய்து விட்டதாக இவர்கள் கருதுவதே இதற்கான காரணமாகும்.
ஆனால் கொலை, கொள்ளை, போதைப்பொருள் கடத்தல், போன்ற மோசமான குற்றங்களில் கைது செய்யப்படும் நபர்களுக்கு பயமின்றி ஆஜராகின்றனர்.
சாரா மாலினி விவகாரத்தில் வெளியே தலைக்காட்டாமல் ஒரு சில சட்டத்தரணிகள் திரை மறைவிலிருந்து மட்டும் ஆலோசனை வழங்கி வருவதாக அறிய வருகிறது.
மாற்று மதத்தினருக்கு இஸ்லாத்தைப் போதிக்க வேண்டும் என்ற கருப்பொருளுக்கு இலங்கையிலும், அரபு நாடுகளிலும் நல்லதொரு சந்தை வாய்ப்பு உருவாக்கப்பட்டிருக்கிறது. தாம் பெயரளவில் முஸ்லிமாக வாழ்ந்துக் கொண்டு, செய்கின்ற அக்கிரமங்கள், அட்டுழியங்கள், அநியாயங்கள் அனைத்தையும் செய்துகொண்டு மாற்று மதத்தினருக்கு இஸ்லாத்தைப் போதிக்க வேண்டும் என்று பூச்சாண்டி காட்டும் இந்த புதிய கலாசாரத்தை அமெரிக்க நலன் சார்ந்த அரபு அரசியல் இலங்கையின் தனது ஏஜன்ட்கள் மூலமாக புகுத்தி வருகிறது.
அண்மைக் காலமாக அரபு நாடுகளின் அரசியல் நலன்களை மறைமுகமாக பாதுகாக்கும் நோக்கில் இயங்கி வருகின்ற சில இயக்கங்களின் தமது கஜானைாவை நிரப்பிக் கொள்வதற்கு சிறந்த வழியாக இதனை பிரயோகித்தும் வருகின்றன. உள்நாட்டிலும், வெளிநாட்டிலும் உள்ள பலரின் பண உதவியை இலகுவாக வாரிச் சுருட்டிக் கொள்ளும் கவர்ச்சிகரமான இந்த சித்தாந்தத்தால் பலரும் கவரப்படுகின்றனர்.
இந்த இயக்கங்கள் இஸ்லாத்தை ஏற்ற பலரை நடுத்தெருவில் விட்டிருக்கிறது. இஸ்லாத்தை ஏற்றுக்கொண்ட ஒரு சிலர் இந்த “ வியாபாரத்தின் ” நன்மை உணர்ந்து அவர்களும் இயக்கங்களை ஆரம்பித்து பலரை ஏமாற்றி வருகின்றனர்.
“ இருளிலிருந்து ஒளி” க்கு சிங்கள மக்களையல்ல முஸ்லிம்களையே முதலில் மீட்க வேண்டும் என்பதை நிச்சயம் புரிந்திருப்பார்.
காரணம் சிறைச்சாலை பஸ் வண்டிகளில் கை விலங்குகளோடு வரிசை வரிசையாக வந்திறங்கி நீதி மன்ற சிறைக் கூண்டுகளில் தள்ளப்பட்டவர்களில் நூற்றுக்கு 90 வீதமானவர்கள் முஸ்லிம்கள். ( நான் ஏற்கனவே ஒரு பதிவில் எழுதியது போல் கொழும்பு இளைஞர்கள் அதிகமானனோர் பல குற்றச் செயல்களுக்கு சிறைவாசம் அனுபவிக்கின்றனர்.
வியாபார கொடுக்கல் வாங்கல்களில் மோசடி செய்து சிறைவாசம் செல்பவர்கள் அதிகம் முஸ்லிம்களே. அரசியல், இயக்கம், ஜமாஅத், பதவி ஆசை, போட்டி, பொறாமையில் சிக்குண்டு சின்னாபின்னப்பட்டு போனவர்கள் முஸ்லிம்களே.
இலங்கையின் அரசியல் நிகழ்வுகள் முதல் இயக்க முரண்பாடுகள் வரை இலங்கை முஸ்லிம்கள் சச்சரவுகளாலும் பிரச்சினைகளாலும் ஆசிர்வதிக்கப்பட்டவர்கள். (அண்மைய தேர்தலும் பேருவளை கொலைக்களமும் இதற்கு வாழும் சான்றுகள்).
இஸ்லாமிய வாழ்க்கை நெறியை தொலைத்து, மறுமையை மறந்து, நன்மையை தீமையை கருத்தில் கொள்ளாது பணத்தின் பின்னால் மூச்சுத்திணர ஓடும் இந்த முஸ்லிம் சமூகத்தின் ஒரு குரலாக, சவாலாக தான் சிங்கள் சமூகம் சாரா மாலினியின்“ இருளிலிருந்து ஒளி” என்ற இஸ்லாத்தின் அழைப்பை பார்க்ப் போகின்றது.
சகோதரி சாரா மாலினிக்கு கிடைத்த வாழ்க்கை வசதிகள் இலங்கையிலிருந்து செல்லும் ஏனைய சிங்கள சகோதரிகளுக்கு கிடைக்கின்றனவா?
அரபுகள் என்போர் நெஞ்சிலே ஈரமில்லாத மிருகங்கள் என்றே அவர்கள் தமது எஜமானர்களை அழைக்கின்றனர்.
தமது வீட்டுப் பணிப்பெண்களை அடிமையாக வதைத்து மோசமான பாலியல் குற்றங்களை புரியும் அரபுகளிடம் என்ன இஸ்லாம் இருக்கிறது?
இந்தக் கொடுமைகளுக்கு எதிராக குரல் கொடுப்பதற்கு எந்த இயக்கம் முன் வந்தது? பள்ளிவாசல்கள் கட்டி முஸ்லிம் உம்மத்தை நாளுக்கு நாள் பிரிக்காமல் இந்த ஏழை சகோதரிகளுக்கு ஒழுங்கான சம்பளத்தை வழங்கி மனிதனாக முஸ்லிமாக இவர்களோடு நடந்தால் இஸ்லாத்தைப் பற்றிய நல்ல செய்தியை இவர்களின் உள்ளங்களுக்குள் கொண்டு சென்றிருக்கலாமே!
இன்று அரபுகளின் மிருகத்தனமான குரூரமான உணர்வுகளைத்தான் இஸ்லாம் என்று இந்த சிங்கள சமூகம் ஏற்றிருக்கிறது. இது மட்டுமில்லாமல் அரபுகளின் குற்றங்குறைகளை மூடி மறைத்து அதற்கு இஸ்லாமிய சாயம் பூசும் “கொந்தராத்து“ வேலையை செய்வதற்கு கூலிப்பட்டாளம் ஒன்றையே அரபு நாடுகள் இலங்கையில் பணிக்கமர்த்தியும் உள்ளன.
சாரா மாலினி “இருளிலிருந்து ஒளி”க்கு என்ற புத்தகத்தைப் பிரசுரித்து சிங்கள் சமூகத்திற்கு அழைப்பு விடுப்பதற்கு முன் தான் வாழ்கின்ற பஹரைன் உட்பட அரபு நாடுகளில் வாழ்கின்ற அரபுகளுக்கு இஸ்லாத்தை எடுத்துச் சொல்லி அவர்களை உண்மையான இஸ்லாமிய வாழ்க்கைக்கு அழைப்பதுவே காலத்தின் தேவையாகும்.
உலகில் பாரிய ஒரு மாற்றத்தை உருவாக்க முதலில் முழு அரபுலகையும் இஸ்லாத்தை நோக்கி திசை திருப்புவதன் பணியைத்தான் மேற்கொள்ள வேண்டும். அரபுகளை மீண்டும் இஸ்லாத்தின் ஒளிக்கு அடித்து இழுத்து வரவேண்டும்.
சாரா மாலினியைப் பொருத்தவரை இன்று அவர் சிங்கள சிறையில் வாடுகிறார். இஸ்லாத்தைப் போதிப்பதற்கு அரபு நாடுகளை விட இலங்கையில் இன்னும் சுதந்திரம் இருக்கிறது.
அரபு நாடுகளில் மன்னர்கள் அனுமதித்த விடயத்தைத் தவிர எதையும் பேச முடியாது. இஸ்லாத்தின் எதிரிகள் பற்றி வருகின்ற அல்குர்ஆன் வசனங்களைக் கூட அங்கே பகிரங்கமாக ஓத முடியாது. அல்லாஹ்வின் சட்டத்திற்கே ஆப்பு வைத்திருக்கின்றன இந்த அரபு நாடுகள்.
அல்லாஹ்வின் சட்டத்திற்கும், முஹம்மதுர் ரசூலுல்லாஹ்வின் முன்மாதிரிக்கும் மாற்றமாக வாழும் அரபுகளின் இஸ்லாத்தை சிங்களவர் மட்டுமல்ல ஈமானுள்ள எந்த இஸ்லாமியனும் ஏற்றுக்கொள்ள மாட்டான்.
இந்த கொடுமைகளை மூடி மறைத்து இஸ்லாமிய பணி புரிவதால் ஏதும் பிரயோசனம் இல்லை எனபதை நாங்கள் புரிந்துக் கொள்ள வேண்டும்.
தலைமைத்தும் ஒன்று இல்லாமல் பிரிவினையை அச்சாணியாக்கி சுழன்றுக் கொண்டிருக்கின்ற உலகளாவிய முஸ்லிம் உம்மத் எப்படி மற்றை சமூகத்திற்கு வழி காட்ட முடியும்?
விழியிழந்த குருடன் மற்றவருக்கு வழிகாட்டத்தான் முடியுமா?
சகோதரி சாரா மாலினி!
இது இஸ்லாத்தின் அடிப்படை புரியாமலும், அரபுகளின் அரசியல் புரியாமலும் இஸ்லாமிய பிரசாரம் புரிய இலங்கை வந்த உங்களுக்கும்
உங்களைப் போன்றே அமெரிக்க அரபு அரசியல் மேலாண்மை வாதத்தை இஸ்லாமிய தஃவா என்று போதித்து முழ உலகையும் ஆக்கிரமித்து வரும்
Home Sri Lanka Think Tank-UK (Main Link)
